اخر المواضيع

اخر الأخبار

المسؤولية الإجتماعية: ليبتون-بالم هيلز


رمضان شهر كريم، وكرمه باين في كل شيء، حتى في إعلاناته.
اتكلمنا عن المسؤولية الإجتماعية، ولمسنا أثرها في إعلانات رمضان المختلفة، ودلوقتي هنشوفها في إعلانين لمنتجين مختلفين تمامًا، العلاقات العامة جمعتهم من خلال إعلان قائم في أساسه على الإحساس بالمسؤولية الإجتماعية.
المسؤولية الإجتماعية هي دور الشركات تجاه المجتمع، وهو عمل طوعي بحت، وهي طبعًا من أهم ادوات العلاقات العامة، اللي بتهتم بيها لكونها بتمس المجتمع بشكل مباشر.


 قامت بالم هيلز بإطلاق حملة "عودة الروح المصرية" لتحسين الحياة في قرى مصر، من خلال إعادة اعمار المنازل، وتوصيل المياه الصالحة للشرب، والصرف الصحي وتطوير التعليم المجتمعي والوحدات العلاجية، وهي بتشبه بشكل كبير لحملة كوكاكولا الخاصة بتطوير القرى المصرية، وكله بيقع تحت مظلة العلاقات العامة والمسؤولية الإجتماعية للشركات.




ليبتون، ماركة الشاي المعروفة، قررت السنادي بالمشاركة مع كنور فاين فودز، تنزل بإعلان غير تسويقي، إنما بيتبنى فكرة "كمل كرمك" اللي هدفها توصل الاكل لـ3، 5 مليون مصري، والجدير بالذكر إن دي السنة التالتة اللي بتقوم فيها ليبتون بالحملة، وكان الذكاء في نشر فكرتهم بإستخدام تقنية شير=وجبة، اللي شوفناها قبل كده في إعلانات عالمية كتير، واللي بيعمل على زيادة فاعليتك كشخص في توصيل الفكرة.
ووصل إعلان ليبتون لأكتر من 5 مليون مشاهد على موقع "فيسبوك"، ولأكتر من 2 وربع مليون مشاهد على "يوتيوب".
في حين وصل إعلان عودة الروح المصرية بالم هيلز لأكتر من 600 ألف مشاهد عل موقف التواصل الإجتماعي فيسبوك وأكتر من 150 ألف مشاهد على "يوتيوب".

ليست هناك تعليقات