اخر المواضيع

اخر الأخبار

كيلو كحك إلا كحكة من The bakery Shop



في العيد بتشتري كام كيلو كعك؟ طب لو قولتلك نشيل منه كعكة ونفرح عيلة هتقول ايه!
مصر فيها أكتر من 250، 000 لاجئ، وThe Bakery Shop قرر بمساعدة كل المصريين إنه يفرحهم ويرجعلهم إحساس العيلة، عشان يقولهم إن مصر بلدهم وإن العيد هيجمعنا كلنا ويكون سعيد.

" كيلو كحك إلا كحكة " هي حملة أطلقها The Bakery Shop، وهي إن كل علبة كحك هتشتريها منه هتلاقيها ناقصة كحكة، وبدالها واحدة بلاستيك بلون معين. وكل لون بيساوي عدد معين من الكحك، هيتم تجميعه من علبتك ومن كل العلب، وهيقوموا بتوصيله للاجئين في أول يوم العيد.

وهدف الحملة هو الترحيب بكل اللاجئين في مصر لإنهم في بيتهم ووسط عيلتهم.
وبتقوم الصفحة الرسمية للمحل بالإعلان عن عدد الكعكات اللي تم تجميعه كل يومين، وإمبارح كان العدد 783 كعكة اتبرع بيها المصريين عشان العيد يكون سعيد علينا كلنا.

The Bakery Shop بيقوم بما يعرف بالمسؤولية الإجتماعية أو الـ CSR وهي واحدة من أهم اهتمامات العلاقات العامة لأنها بتمس المجتمع بشكل مباشر وكمان بتزود من حب الناس وإرتباطهم بمنتجك، لأنك بممارستك للمسؤولية الإجتماعية بتساعد على تنمية وجعل المجتمع اللي انت عايش فيه مكان أحسن، ومش بس بتهدف للربح وتحقيق المبيعات.

ليست هناك تعليقات