اخر المواضيع

اخر الأخبار

إزاي الأونلاين PR ممكن يكون مفيد لشغلك؟


العلاقات العامة الإلكترونية أو الوصفة السحرية لنجاح الشركات في العصر الحديث، اتكلمنا عنها بإستفاضة قبل كده وتقدر تعرف بالتفصيل يعني إيه Online-PR ، ولإننا في عصر السرعة ومحدش بقى عنده خُلق يقرا، دي العلاقات العامة في نقط سريعة، عشان مهم تتعرف سحر العلاقات العامة .. يلا نبدأ !

في الأول، إزاي الأونلاين PR ممكن يكون مفيد لشغلك؟

هيساعدك في ..
*بناء علامتك التجارية على الشبكة العنكبوتية.
*وضع استراتيجية لتطبيق شغلك.
*خلق "براند" مميز خاص بيك، حتى لو "البراند" ده هو انت كشخص.
*الوصول بـ"البراند" لأسواق عالمية، والمنافسة فيها.
*جذب عملاء محتملين.
*زيادة ظهورك في وسائل الإعلام المختلفة وتعريف الناس بـ"البراند" الخاص بيك.
*قياس نتائج الاستراتيجيات الموضوعة ومدى إنتشارك.

يقدروا يعملوا ايه؟
ليهم أدوات كتير متشعبة جدًا، ومنها ..
*التدوين على المدونات، ودعوة مدونين مؤثرين في سوقك المستهدف للتدوين عنك وعن اللي بتقدمه.
*بيانات صحفية مختلفة على الانترنت.
*أخبار صحفية خاصة بيك وبشغلك.
*مقابلات عامة.
*أحداث وفاعليات اونلاين ممكن تنزل أرض الواقع.
*مؤتمرات صحفية.
*إنشاء وتوزيع مواد مرئية عن "البراند" الخاص بيك.
*التواصل مع جمهورك المستهدف، ومعرفة آراءه عن "البراند" الخاص بيك بإستمرار.


إزاي بيعملوا كده؟

من خلال ..
*المشاركة والتواصل مع المدونين.
*تحسين محركات البحث "SEO"، والمدونات.
* استخدام بحث الأخبار، والمنتديات، ومنصات الحوار، ووسائل التواصل الاجتماعي وأدوات التواصل الإلكترونية المختلفة، لمتابعة ونشر الأخبار المهمة المتعلقة "بالبراند" الخاص بيك.
*إدارة ومراقبة سمعتك على الانترنت.
*حماية سمعتك من أي سوء يفكر يمسها.
*دعوة مدونين زائرين للكتابة في المدونة الخاصة بشركتك.

ده جزء من العلاقات العامة الالكترونية وأهميتها في نقط، وطبعًا واضح نجاحها من انتشارها واقبال أصحاب الأعمال عليها ووضعها كإستراتيجية مهمة لانتشار أي شركة سواء حديثة التأسيس أو شركة رائدة، وفي الولايات المتحدة نفسها فاق عدد متخصصين العلاقات العامة عدد الصحفيين لأهمية المنصب واحتياج الشركات ليه.

بس يا سيدي، هي دي العلاقات العامة.

ليست هناك تعليقات