اخر المواضيع

اخر الأخبار

حتي ومشروعك لسه صغير … محتاج شوية PR


صاحب مشروع صغير؟
بيل جيتس بيقول "لو معايا دولار واحد بس في ميزانيتي التسويقية، هصرفه على العلاقات العامة."
ومحدش فينا يقدر ينكر نجاح بيل جيتس وقدرته على تسيير أعماله، يبقى مهم تضم العلاقات العامة لخطة مشروعك، عشان تضمن حسم المنافسة لصالحك.
ولو إنت بادئ مشروع صغير وجديد، فالمشاريع الصغيرة بتحتاج لبناء سمعة جيدة والعلاقات العامة هي اللي بتبنيلك السمعة دي، وبتساعد على إثبات مصداقيتك وترفع نسبة الوعي عنك خارج حدود دايرتك الضيقة، وبالتالي يتكون فضول عند الناس عشان يعرفوا الخدمة أو السلعة اللي بتقدمها فيبحثوا عن مشروعك، اللي بتكون العلاقات العامة أصلا عاملاله محتوى والمعلومات عنه متاحة بالفعل.
بحث الناس هيزود نهمهم في تقييم المعلومات المنتشرة عنك، وبالتالي رغبتهم في الحصول على منتجك أو خدمتك، وفي إنهم يكونوا جزء من كيانك، والأهم زيادة احتمالات رغبة المستثمرين في التعاون معاك ودعوتهم ليك كشريك محتمل.


المتخصصين في العلاقات العامة بيستخدموا تقنيات مختلفة عشان يضمنولك إنطلاق آمن لمنتجك، والحفاظ على أهداف طويلة المدى لعلاقاتك مع الناس، زي بناء الماركة المميزة الخاصة بيك ومتابعة عملية تواصلك مع أفراد المجتمع.


وعشان نوضحلك أكتر هنعرفك على أنواع العلاقات العامة:


العلاقات العامة التقليدية "Offline PR":

بتسخدم وسائل تقليدية سواء مطبوعة أو مرئية، زي الراديو، والتليفزيون، والمؤتمرات، والفاعليات اللي بتّم على أرض الواقع، غير المقالات والمنشورات المطبوعة.


العلاقات العامة الالكترونية "Online PR":

فكر في الـ Online-PR زي "BUZZ" أو تنبية بيوعيّ الناس بوجودك في حياة الأعمال، وهو بيستهدف وبيأثر على الجمهور اللي أغلب تواجده بيكون على الانترنت، من خلال أدوات وتقنيات تكنولوجية حديثة، زي الـ"SEO" أو تحسين وضعك على محركات البحث، والتواصل مع الناس من خلال المنتديات والمدونات ومواقع التواصل الاجتماعي، وصناعة فيديوهات، ونشر الإصدارات الإعلامية المختلفة، والتواصل مع المؤثرين الرئيسيّن على سوقك المستهدف، والكتابة على المدونات - سواء من كاتب مؤثر زائر أو في المدونات الشخصية - كتابات بتقوم بتوليد نقاشات مع سوقك المستهدف لتقوية الصلة بيه وتعريفه بيك.


بس ايه أحسن؟

حاليًا ازدحمت الأرض وإمتلأت السماء العُليا بصحفيين بيديروا مدونات خاصة بيهم، أو منشورات ورقية ليها حضور إلكتروني، يعني المزج بين الاتنين ممكن، بس المهم تخلي في بالك إستراتيجية واضحة لمشروعك الصغير، وحط قدامك إمكانياتك والموارد المتاحة ليك، والأهداف اللي عايز توصلها، وبعد كدة اعمل مزيج بين العلاقات العامة الالكترونية والتقليدية، عشان توصل لمُساعد قوي يقدر يساعدك على تحقيق أهدافك.

دلوقتي قولنا، إزاي بتسخدم العلاقات العامة الالكترونية أو التقليدية عشان تعمل "Buzz" لمنتجك؟

ليست هناك تعليقات