اخر المواضيع

اخر الأخبار

بين ال PR وال Online-PR كلام كتير لازم يتقال !


"في ناس اتولدت عظيمة، وناس حققت العظمة، وناس عينت موظفين علاقات عامة." - المؤرخ دانيال. ج. بورستن
لكن يعني إيه "علاقات عامة"؟
العلاقات العامة هي توجيه الرأي العام نحو منتجك من خلال مشاريع إلكترونية أو غير إلكترونية، يعني ببساطة عرض منتج ما لجمهور معين وخلق "دوشة" وكلام حواليه، عن طريق نوعين من العلاقات العامة، إلكترونية قائمة على التواصل مع الناس من خلال الإنترنت، وغير الكترونية وهي العلاقات العامة التقليدية، وعمومًا تسويق العلاقات العامة الإلكترونية مختلف جدًا عن تسويق العلاقات العامة التقليدية، ومهم إننا نفهم الفرق ده.

محدش يقدر ينكر إن حصل تغيير كبير في مصدر تلقي الناس للمعلومات، والفرق واضح في تفوق العلاقات العامة الإلكترونية على التقليدية من خلال تفضيل رجال الأعمال للنوع الأول، مش القصد إننا نقول إن العلاقات العامة التقليدية إنتهت أو ماتت، لكن أي شركة حاليًا هتبقى ساذجة لو مفكرتش تعدل في استراتيجية علاقاتها العامة بناءًا على التطور التكنولوجي الحالي، وعشان نفهم الفرق بينهما هنقدم توضيح بسيط للنوعين:

أولا ..الاختلاف في وسائل العرض:

العلاقات العامة التقليدية:

واضح من إسمها إنها بتستخدم الوسائل التقليدية؛ من تليفزيون، ومنشورات مطبوعة، ومحاضرات وكل الوسائل العادية اللي بتحصل على أرض الواقع، وطبعاً تشترط الإرتباط بصحفيّ الجرائد، ومراسلين التليفزيون، ومقدمي البرامج الإذاعية، والمحررين … إلخ، عملية التشكيل والإنتاج مبتختلفش كتير عن الأونلاين، بس توزيع واستيعاب الأخبار بيختلفوا جدًا.

العلاقات العامة الإلكترونية:

مع تطور الانترنت، يزيد عدد الناس اللي بيلجأوا له كمصدر للمعرفة، وبيزوروا أماكن زي المدونات، والمنتديات، وأماكن النقاش، ووسائل التواصل الإجتماعي، عشان يلاقوا المعلومات.

مش بس القراء المتطلعين بيسعوّا وراء المعلومة، كمان "الماركات" بتحاول إنها تبني ثقة ومصداقية وبيحاولوا يكونوا في الصدارة. وموظف العلاقات العامة الإلكترونية بيخليك متداول عند الناس، وبيخلق لك كيان على الشبكة العنكبوتية يدعمه بفعاليات تثبت وجودك على أرض الواقع. ببساطة بيسهل وصول الناس لك، ويحسن ظهورك في مواقع البحث عشان يحقق أعلى نسبة من فرصة إنتشار ورؤية المحتوى الخاص بيك، لأن صُنع البيانات الصحفية زي الفيديوهات المرئية والمواد المسموعة، والمدونات، ومنشورات مواقع التواصل الاجتماعي اليومية، كله بيقع تحت وظيفة العلاقات العامة الإلكترونية.

ثانيا ..قدرة العلاقات العامة على الوصول.

العلاقات العامة التقليدية

لما يكون هدفك الصحافة المطبوعة، فالصحف غالباً بيكون عندها قائمة بالفعاليات القادمة اللي بينشروها عشان القراء يتابعوها وفقاً لاهتماماتهم. ممكن تدخل على القائمة دي وتشوف إذا كان ممكن تربط مشروعك بواحدة منها وبالتالي تحصل على التغطية المناسبة.

العلاقات العامة الالكترونية

لما يكون هدفك المدونات أو الصحافة الإلكترونية، فالموضوع مختلف تماماً، لأنك هتحتاج وقت تفهم فيه نوع المحتوى اللي بيقدموه وحاجات تقنية زي النمط أو التصميم، وعادًة المدونين بيكتبوا رأيهم الخاص في القصة وفي الآخر بيقوموا بالإشارة للبيان الصحفي، على عكس المنشورات المطبوعة اللي بتنشر البيان الصحفي عمومًا بغض النظر عن الرأي الشخصي لصاحب الخبر.

الماركات العالمية حولت تركيزها في السنين اللي فاتت للإنترنت، لأن الأونلاين بيسهل ويسرع عملية التواصل مع الجمهور، وسواء كان رد الفعل إيجابي أو سلبي، ففي النهاية الناس هتتكلم عن المنتج، ومن خلال المتابعة تقدر تعالج المشاكل اللي اتكلم عنها الناس وتسيطر على عدم انتشار السلبيات.






ليست هناك تعليقات