اخر المواضيع

اخر الأخبار

10 حاجات العلاقات العامة هتساعدك فيها "2"


عرفنا قبل كده يعني ايه علاقات عامة؟

وعرفنا إزاي ممكن تفيدك كمبتدئ " start up" ، ودي 10 حاجات العلاقات العامة هتكون مفيدة ليك فيها:

المصداقية:

لأن  استخدام العلاقات العامة كطرف غير منحاز لنشر أخبارك، هيعمل مصداقية لعلامتك التجارية.

شركتك أرض الأحلام:

العلاقات العامة هتخلّي الباحثون عن وظائف هيشوفوا شركتك وكأنها  أرض الأحلام، وهيحبّوا يكونوا جزء منها، لأن العلاقات العامة هتعرض مزايا إن الشخص يكون موظف في شركتك بطريقة صح.

إظهار الخبرة والفكر القيادي:

بيقولوا: " الأشخاص الأذكياء حقًا، لديهم دائمًا أفكار يتحدثون عنها"،  والعلاقات العامة هتساعدك على تسليط الضوء على حقيقة إن عندك خبرة عالية وقيادة ومهارات شخصية عالية.

تعزيز مشاركتك الاجتماعية:

 ده مهم جدًا، العلاقات العامة هتساعدك إنك تظهر كشخص/شركة مهتمة بعملائها، وده مهم جدًا على المدى البعيد أو في وقت الشدة.

زيادة المبيعات:
حملة العلاقات العامة هتخلق جو مناسب لزيادة الطلب على المنتج أو الخدمة الخاصة بيك، وبالتالي هتزود المبيعات.

تشجيع الموظفين:

وده هيحصل عن طريق عرض قصص النجاح الشخصية ومدحها، وكمان عن طريق الترقيات والجوائز.

خلق وعي:

 في حالات بيبقى الناس مش محتاجين الخدمة أو المنتج اللي بتقدمه، بس لو قسم العلاقات العامة عندك كويس، هتكون علاطول أول حاجة تخطر في بال أي عميل محتاج خدمة مشابهة للي بتقدمه.

زيادة البرامج الاجتماعية والإعلام والإعلان:

 لازم تعرف إن العلاقات العامة بتؤدي لنتيجة أحسن لما تشتغل مع وسائل الاعلام والدعاية، الجمع بين كل شيء، واستخدام جميع القنوات الدعائية المتاحة لتحقيق أحسن استفادة من أصغر ميزانية.

إدارة الأزمات:

طبيعي جداً إن أي شركة  تواجه مشاكل أثناء تطورها، وطبيعي إنها تواجه المشاكل دي وتحاول تحلها، وهنا بييجي دور العلاقات العامة، لأنك  لو مبتسخدمش حملات علاقات عامة بشكل عام، لازم لما تواجه أزمة تستعين بمتخصصين علاقات عامة عشان يديروا أزمتك اللي ممكن تأثر على سمعتك في السوق.

     10- إستخدام تقنيات "الحكي":

"الحكي" أو "الرواية" من التقنيات المهمة لعرض كيفية استفادة  العميل أو الموظف منك، وده مش هتعرف تقوم بيه لوحدك، لكن العلاقات العامة تقدر توفره بسهولة.

ليست هناك تعليقات